كود سبور//

مازال غاديين أولمبيك خريبكة اللي غارقين فالقسم الثاني، ومهددين بالنزول إلى الهواة، فسياسة تغيير المدربين لعلى وعسى يكون المشكل فالشيفور ماشي الكار.

مشاو أولمبيك خريبكة جابو المدرب التونسي منير شبيل، وداروه مدرب جديد للفريق وسناو معه عقد حتى نهاية هذا الموسم مع إمكانية التجديد، والهدف هو يخرجهم من المركز ما قبل الأخير اللي محتلين فترتيب بطولة القسم الثاني.

وغايبدا منير شبيل الخدمة ديالو مع أولمبيك خريبكة ابتداء من اليوم الثلاثاء، ومهمة صعيبة كاتسناه، خصوصا وأن أولمبيك خريبكة ما عمرو لقى راسو منافس على تفادي النزول بشكل مباشر إلى الهواة كيفما هذا الموسم.