نجوى المالحي -كود//

مغني الراي الجزائري نصر الدين السويدي المشهور ب”الشاب نصرو” قطع العزلة ديالو والغياب لي دام 20 عام، وغادي يلتقي الجمهور المغربي في مهرجان وجدة ديال الراي.

المهرجان غادي يبدا في 16 يوليوز ويسالي في 20. وعلى امتداد 5 أيام الجمهور غادي يعيش ويتمتع بموسيقى الراي بحضور بزاف ديال النجوم.

الشاب نصرو غادي يكون في الحفل الختامي. ومعروف على المغاربة حبهم لأغانيه لي مشهورين من التسعينات.

المغني معروف أيضا باسم أمير الراي العاطفي بعد ملك الراي العاطفي اللي مات الشاب حسني، وكيسكن في ميريكان هادي دابا كثر من 13 العام، وعندو 130 ألبوم، وواخا غبر أغانيه بقات ديما حاضرة.