كود كازا//

غادي تنظم جمعية التحدي للمساواة والمواطنة الدورة الثانية من المهرجان الدولي للسينما والمساواة فالدار البيضاء من 22 حتى لـ26 أبريل 2026، تحت شعار: “الكاميرا فوجه العنف الرقمي”.

هاد المهرجان غادي امزج بين الفن والوعي، وكيطرح نقاشات على قضايا المساواة وحقوق النساء، خصوصا العنف الرقمي ضد النساء والفتيات.
والهدف ديالو هو إبراز السينما النسائية، وتشجيع الأعمال اللي كتدافع على الحرية والعدالة وكتحارب الصور النمطية.

البرنامج غيكون متنوع فيه عروض سينمائية، ندوات، لقاءات مفتوحة، تكريمات، وأنشطة مهنية وثقافية بمشاركة فنانين وفنانات ومفكرين وإعلاميين من المغرب ومن براو. المهرجان كيبغي يكون فضاء للفن اللي كيحرك التفكير الجمعي والحوار العمومي حول حقوق النساء والمساواة.

وفي هاد السياق ، جمعية التحدي كتركز على جعل هاد المهرجان موعد سنوي فالدار البيضاء، يجمع بين البعد الفني والحقوقي ويحتفي بالإبداع المنحاز لقضايا النساء. وللإشارة فقط فإن ، البرنامج الكامل والشخصيات المشاركة والأفلام غيتم الإعلان عليهم قريبا من طرف الجمعية .