الرئيسية > آش واقع > لعب الدراري هذا.. فاللول قالو عطب دابا رجعات حاجة خرى.. وزارة الصحة مغاتبقاش دير ميزاجور ديال أرقام الإصابات بكرورنا مع الـ10
18/07/2020 18:30 آش واقع

لعب الدراري هذا.. فاللول قالو عطب دابا رجعات حاجة خرى.. وزارة الصحة مغاتبقاش دير ميزاجور ديال أرقام الإصابات بكرورنا مع الـ10

لعب الدراري هذا.. فاللول قالو عطب دابا رجعات حاجة خرى.. وزارة الصحة مغاتبقاش دير ميزاجور ديال أرقام الإصابات بكرورنا مع الـ10

عفراء علوي محمدي- كود//

قالت هند الزين، رئيسة مصلحة الأمراض الوبائية بمديرية الأوبئة بوزارة الصحة، ان وزارة الصحة ماغتبقاش تدير التحيين ديال المعطيات بخصوص الوضعية الوبائية لفيروس كورونا المستجد فالموقع الإلكتروني http://www.covidmaroc.ma/ ، وغاتولي تكتفي بالتحيين ديال الستة دالعشية مور الندوة اليومية على الوباء.

وماوضحاتش الزين، فالندوة اليومية للترصد الوبائي لفيروس كورونا المستجد، اليوم السبت، (ماوضحاتش) السبب ديال هذ التغيير، لكن فالمقابل كشفات أن الوزارة غاتولي تدير دراسة على الوضعية الوبائية اللي كتمر منها البلاد بشكل أسبوعي.

والوزارة ماعلناتش المواطنين بللي غتستغنى على هذ التصريح بشكل نهائي، حتى كيتفاجؤ الناس أنها الصباح مادارتش التحيين للمعطيات حول الوضعية الوبائية دالفيروس مع 10، بحال المعتاد.

المكلف بالتواصل فالوزارة، رشيد الخداريد قال فالمجموعة الإعلامية لوزارة الصحة على الموقع الرسمي ديالها، بللي هذا مجرد عطب تقني، لكن تبين أن هذا قرار جديد دالوزارة، اللي ماتكلماتش عليه قبل بشكل رسمي باش تنور الرأي العام وماتخليهش تالف فزمن الأزمة الوبائية

موضوعات أخرى

04/08/2020 14:00

فايك نيوز. أخبار كتروج بللي جامعة القنيطرة دارت دراسة على “هاواي” ولقاتها عامرة بالمواد المسرطنة.. رئيس الجامعة لـ”كود”: الجامعة ماعندهاش الحق تدير دراسات بهاد الحجم.. وهادشي إلى تدار كيكون بتنسيق مع الدولة