وكالات//

ميريكاني وحل وسط الثلج ملي كان في ولاية أوريكَون وملقاش كيفاش يطلب المساعدة وبقا بلا ريزو وملقاش معامن يتواصل.

الفكرة الذكية لي جاتو أنه كتب ميساج في التلفون ديالو ولصقو في درون وخلاه يمشي لعل وعسى يطيح في يد شي واحد لي يجي يعاونو.

الحيلة الذكية نفعاتو وفعلا وصلات درون للناس وقراو الميساج وعرفو فين كاين ومشاو عتقوه، وفي نفس الوقت لقاو راجل ثاني لي كان حتى هو حاصل.

هيئة الإنقاذ صفقات على القرار الذكي واعتابروه أنه حل مزيان عوض ما يخرج من طوموبيل وكان ممكن يموت بالبرد.