غيثة علام -كود- عن موقع هيومن رايتس ووتش//

“هيومن رايتس ووتش” تعاونات مع “المؤسسة العربية للحريات والمساواة” باش نتجو فيديوهات فيها نشطاء من مجتمع الميم (المثليين ومزدوجوين التوجه الجنسي ومتحولوين النوع الاجتماعي) ديال الشرق الأوسط وشمال أفريقيا، كيهدرو بالعربية على التجارب ديالهم في التصالح مع ذاتهم ومكافحة التمييز.

الهدف ديال حملة “لست وحدك” هو تمكين”مجتمع الميم” من بعث رسائل مساعدة، ويشجع المثليين في الدول الناطقة بالعربية فالشرق الأوسط وشمال أفريقيا، ويبعدو من صورة الضحية.

وبزاف ديال الناس أكدو أن تجاربهم الشخصية مع العزلة والانتهاكات هي الي دفعاتهم للنشاط، وبين هاد النشطاء الي مشاركين فالحملة كاينين مثليين من مصر، سوريا، لبنان، الجزائر، تونس… والمغرب.

وفالمغاربة شارك الكاتب المعروف “عبد الله الطايع” و”هاجر متوكل”، الي كتبات مجموعة ديال الحلقات ل”كود” سميتهم “يوميات قرشالة روفولي” فاش كانت مازلة فالمغرب.

ووضحات الناشطة المغربية أنها اضطرت تمشي تعيش فأمستردام بهولندا بعدما تلقات تهديدات بالقتل، وأضافت: “المثلية ماشي مرض وماشي جريمة وماشي اختيار…كنت فاللول مضاربة مع راسي ومحملاش راسي، ومن بعد فهمت أن الخيار الوحيد الي عند الانسان هو يتصالح مع ذاتو”.

تجدر الاشارة أن فالمغرب مازال كاين قانون جنائي كيجرم المثلية (المادة 489) وكيعاقب بالسجن لفترة كتوصل إلى 3 سنوات وغرامة 1000درهم.

روابط:

https://www.hrw.org/ar/no-longer-alone