وكالات//
عرفات العاصمة المصرية القاهرة جريمة قتل خايبة بزاف، بعدما قتل رجل جارتو لي فايتا العمر ديالها ستين عام وقطع الجثة ديالها ودارها في الثلاجة.
لونكيط لي دارو البوليس لقاو أن المتهم خنق الجارة ديالو وقطعها ودار الطراف ديالها في الثلاجة قبل ما تفضحو الريحة الخايبة لي خرجات من الثلاجة.
وعلى حساب ماقالت تقارير صحفية مصرية، فالغريب في الجريمة هو أن السيد قال بللي السبب ديال هاد الجريمة هو أن الجارة ديالو كانت “سليطة اللسان”.
وقال إنها فكل مرة كتهددو أنها غادي تعيط ليه للبوليس حينت كيبرزطها وماحاملاش تسكن حداه.
