الرئيسية > كود سبور > لخصم لأبو زعيتر: أنت ما بطل ما والو ..ومستواك د”ولاد السوق”…
01/04/2021 07:41 كود سبور

لخصم لأبو زعيتر: أنت ما بطل ما والو ..ومستواك د”ولاد السوق”…

لخصم لأبو زعيتر: أنت ما بطل ما والو ..ومستواك د”ولاد السوق”…

كود كازا//

نجم رياضة الكيك بوكسينكَ السابق، مصطفى لخصم، كان دار فيديو هاديء و رزين يحلل فيه مباراة ابو زعيتر مع الكندي اللي انهزم فيها.. وقدم ليه نصائح وقال ليه ماكنتيش مستعد، وبلا ماتبرر الهزيمة بالعنصرية و غيرها من الامور لكن ابو زعيتر اتصل به ف رقم مجهول و سبه.

أبو بكر زعيتر،سب للخصم مو بكلام ديال “ولاد السوق” و” من السمطة للتحت”.

وقال لخصم، فلايف ليه على “فيسبوك”، أنه “هذ أبو زعيتر فين بغا يوصل مايمكنش يوصل لهذ المستوى ويسب الوالدين والدين… هو أصلو ماشي طيب والمستوى ديال التربية ناقص بزاف، بالحق باش يعيط لي أنا ويسب لي الوالدة والدين فماغانسكتش ليه… وغالط كيحساب ليه حتى واحد ما يوصلو وراه غالط… وانا ماخايفش منو”.

“ما كتسوى حتى بصلة، ما رياضي ما والو، بطل ألمانيا ماشي العالم، وليزادفيرسير اللي كتلعب معاهم فUFC، لا نتا لا خوك، ضعاف، والماتشات ديالك ماشي رئيسيين على ما تعمر القاعة باش يتفرجو الناس فالطوب، غير باش ماضحكوش على الناس المستوى ديالكم هابك بزاف”، كيقول لخصم.

وزاد لخصم كيوضح، أن اتصال أبو زعيتر بيه جا من بعد ما دار عليه لخصم شي خرجة عليه، “أنا ماقلت تاحاجة ماشي هي هذيك اللي كاين قلتو ما سبيتك ما هبطت بيك، كليتي قتلة دالعصا حيت قلتليك ماترينيتيش، معروفة ماتشفيناش فيك”.

وختم لخضم اللايف ديالو بالقول “أنت بهذ الفورمة وأنا بهذ الفورمة ومشحال هذي ناترينيت وناكلك، وإلى قلبتي عليا غاتلقاني”.

وكان لخصم خرج ففيديو، من بعد هزيمة زعيتر يوم السبت الماضي مع خصمو الكندي مارك أندري باريولت، قال أنه ماكانش واجد وماتريناش مزيان.

لايف الخصم هنا

موضوعات أخرى

14/04/2021 12:50

مشروع تقنين الكيف مزال مرون البيجيدي.. شبيبة  الحزب: مافهمناش علاش تدار المشروع فهاد الوقت و كنرفضو يدوز ف البرلمان قبل ما يكون عليه نقاش عمومي

14/04/2021 12:30

الخبير الاقتصادي أوراز لـ”كود”: المؤشرات الاقتصادية اللي كتفتخر بها الحكومة العائد ديالها ضعيف بزاف على النمو ومحاربة البطالة وتوفير التمويل

14/04/2021 12:20

النهار اللول فرمضان بدا بالشتا و الأرصاد الجوية كتحذر: غاتوصل حتى لـ60 ملم و حتى الريح جاية مجهدة.. وها البلايص المعنية

14/04/2021 12:10

شبيبة “البي جي دي” بغات تركب على الاحتجاجات اللي كانت مؤخرا: كنرفضو اللجوء إلى الحلول الأمنية مع الاحتجاجات السلمية

14/04/2021 11:30

الإسلاميين عندهم جوج وجوه.. رئيسهم فالحكومة كيبرر منع التراويح ونائب عمدة الرباط كيرفضو ووصفو بـ”مؤلم جدا” – تدوينة

14/04/2021 11:20

الصفقات العمومية ف حالة الطوارئ الصحية.. الجمعية المغربية لحماية المال العام: خاص تفتح لونكيط على الخروقات اللي كاينة و معاقبة المسؤولين عليها