الرئيسية > آراء > لجنة بنموسى فطنجة فدوزيام كلاص دالتيجيفي. شافو طنجة المتوسط و”رونو” و”هاندز”. كيفاش كتقاد هاد اللجنة صورتها باش “تولي تشبهنا”
08/02/2020 12:30 آراء

لجنة بنموسى فطنجة فدوزيام كلاص دالتيجيفي. شافو طنجة المتوسط و”رونو” و”هاندز”. كيفاش كتقاد هاد اللجنة صورتها باش “تولي تشبهنا”

لجنة بنموسى فطنجة فدوزيام كلاص دالتيجيفي. شافو طنجة المتوسط و”رونو” و”هاندز”. كيفاش كتقاد هاد اللجنة صورتها باش “تولي تشبهنا”

سعيد الشاوي كود طنجة ///

لجنة بنموسى لاعداد المشروع التنموي اللي طلبو محمد السادس كانت البارح الجمعة فطنجة. مشات لطنجة المتوسط ودارت دويرة فمصنع “رونو” ومشات للشركة الكورية “هاندز كوربورايشن” اللي ستثمرات فطنجة فصناعة بياس ديتاشي ديال الطونوبيلات 350 مليار،

اللجنة درات البال للتواصل. فهمات ان شي صور بحال ديال الدوار اللي كانو فيه مؤخرا ممكن تكون عندها قراءات متناقضة. اللي بغى يشوفها من الجانب الايجابي تبان ليه واللي بغى ينزل على اللجنة عندو باش٬ خاصة صورة اعضاء اللجنة غاديين فحالهم ولعيالات كيطلو من الشرجم. صورة كتلخص العلاقة بين اللي كيحي من الرباط من المركز كيفما كان. كيفما كان وبين مالين الارض اللي بعاد على هاد المركز.

فطنجة قادو امورهم اكثر. الرسالة اللي بغاو يدوزوها. حنا جينا نديرو خدمة ونوجدو المشروع اللي يقدر يخلق التنمية فالبلاد وللي فشلو فيه مشاريع سابقة. لجنة بنموسى مشات فالتيجيفي. احتكاك مع الناس مع لمغاربة. ماشي فالدرجة الاولى بل الدرجة الثانية. كلشي. شي كانو مدراء ابناك وخدمو فالقصر بزاف وشي كانو وزير اول او وزير داخلية وشي ملايري مرفح بزاف. كلشي ركبهم بنموسى فالدرجة الثانية. شفنا جطو والعمري وغيرو. صورة كتقاد صورة هاد اللجنة عند لمغاربة.

هما عارفين باللي عندهم كفاءات قافزة يديرو خدمة مغيزة. فيهم شي طوكارات ماشي مشكل٬ لكن عندهم حاجة اهم خاصهم يربحوها هو يبينو انهم قراب من لمغاربة. لكلاش اللي كان دارو ليهم عبد الاله بنكيران رئيس الحكومة السابق بعد التعيين باش قال “هادو ما كيشبهوناش” قاصح. دابا كيخدمو باش يبينو انهم “كيشبهونا”. لحد الان مزططين ريوسهم.

موضوعات أخرى

30/03/2020 23:00

فزمن كورونا.. من بعد فضيحة المعقم لي بغات تبيعو للمغاربة بزبالة فلوس.. ليلى حديوي كتكوي وتبخ: كيوصلوني رسائل زوينين من عند المتتبعين ديالي