گود سبور//

غادي دير لجنة الاستئناف بالاتحاد الأفريقي لكرة القدم، غدا الثلاثاء اجتماع لها.

اللجنة غادي تناقش عدد من الملفات المطروحة عليها، ومن بينها الطعن اللي تقدمت به الجامعة الملكية المغربية لكرة القدم فالعقوبات الصادرة من لجنة الانضباط فالكاف بخصوص فينال كاس إفريقيا 2025، واللي كانت عقوبات قاسية على الجامعة الملكية المغربية وعلى اللاعبين أشرف حكيمي واسماعيل الصيباري، وخفيفة على الاتحاد السنغالي لكرة القدم والمنتخب ديالو ومدربهم اللي انسحابو من الماتش وخرجو من التيران للفيستيير وما احتارموش قرار الحكم حيث اعلن على بينالتي للمغرب، إضافة إلى شغب الجمهور السنغالي فالملعب.

وهذا الملف كايعرف تطورات جديدة، بعد اعتراف رئيس لجنة الحكام بالكاف أنه طلب من الحكم فالفينال ما يعطيش بطائق صفرين للاعبي المنتخب السنغالي كايستاهلوهم بسبب انسحابهم من الماتش.