عمر المزين – كود///
علمت “كود” أن المجموعة العقارية “العمران” افتتحات الوكالة ديالها لي تم تجديدها بالعاصمة الفرنسية باريس، وهادشي كان بحضور مسؤولين مؤسساتيين وممثلين عن الجالية المغربية، وشي شركاء ديال المجموعة.
الهدف من افتتاح هاد الوكالة لي تم تجديدها هو التعزيز ديال سياسة القرب بين المجموعة ومغاربة العالم عبر فضاء وظيفي حديث ومريح. وماشي غير هادشي. فالمجموعة غادي تقدم مواكبة ميدانية مباشرة للجالية المغربية بفرنسا، بخصوص فرص السكن والاستثمار بالمغرب.
وغادي تهدف هاد الوكالة إلى تمكين المواطنين باش يستافدو من خدمات المجموعة بلا ميتنقلوا، مع ضمان الإنصات وتقديم المعلومات الدقيقة، وتقوية الحضور المؤسساتي للمجموعة في الخارج، بما يتماشى مع التوجيهات الملكية السامية في مجال ربط جسور الثقة مع مغاربة المهجر.
