الرئيسية > كود-تيفي > لبنى أبيضار قصفات المتخلفين وصحاب “تفكير القطيع”: بغيتو تقاطعو منتوجات فرنسا قاطعو الأدوية.. ونتوما كاتجرحو حتى شي واحد كيقيس مقدساتكم واخا نتوما النهار وماطال كتعيبو فمقدسات الناس وهانية – فيديو
26/10/2020 20:00 كود-تيفي

لبنى أبيضار قصفات المتخلفين وصحاب “تفكير القطيع”: بغيتو تقاطعو منتوجات فرنسا قاطعو الأدوية.. ونتوما كاتجرحو حتى شي واحد كيقيس مقدساتكم واخا نتوما النهار وماطال كتعيبو فمقدسات الناس وهانية – فيديو

لبنى أبيضار قصفات المتخلفين وصحاب “تفكير القطيع”: بغيتو تقاطعو منتوجات فرنسا قاطعو الأدوية.. ونتوما كاتجرحو حتى شي واحد كيقيس مقدساتكم واخا نتوما النهار وماطال كتعيبو فمقدسات الناس وهانية – فيديو

عفراء علوي محمدي- كود//

انتقدات الممثلة المغربية المثيرة للجدل، لبنى أبيضار، حملة المقاطعة اللي دايرينها شي مغاربة وكيسوقو ليها على مواقع التواصل الاجتماعي، وقالت “اش بينك وبين المنتجات الفرنسية؟ واش حساب ليكم “لوريال” و”شانيل” اللي فدرب عمروقيسارية عزيزة هوما المنتوجات الفرنسية الحقيقية؟ او إلى قطعتو لافاش كي ري شهراين راه غادي اقتصاد فرنسا يطيح؟ اش هذ تفكير القطيع؟”

وزادت أبيضار، ففيديو ليها على قناتها ف”يوتوب”: “منين كتمشيو تهجمو على كروبات الهنود وتدبحو البكر وتقولو ذبحنا ربكم هذيك عادية؟ ومنين تتخاصم مع شي واحد وتقولو سير ا ليهودي فيك فعايل ليهود، هذيك ماتجرحوش الناس؟ والمسيحيين كفار، لا هدوك غير ضاحكين، راكوم غا كتوسخو وجهكم ووجه الاسلام، لا أوروبا ولا كندا فايقين ليكم من النعاس”.

وقالت بللي اللي بغا يقاطع المنتوجات الفرنسية “يقاطع الأدوية، بحال أدوية السرطان والسيدا ولاليست طويلة، والدعم اللي كاياخدو الجمعيات اللي كيعاونو بيه الناس فالمغرب، لحماية الطفولة والنساء العازبات وزيد وزيد”.

وواخا ماككتافقش أبيضار مع إهانة مقدسات الناس، شافت أن هذ المتشددين زادو فيه بزاف، خصوصا وأنها ماشي أول يتم انتقاد شي ديانة ما، حيت ففرنسا عادي هذشي “الفرانساويين كيضحكو على الدين ديالهم، وينكتو على نوتر دام، اللي كانت تحرقات اليوم ولغدليه بداو عليها فالنكت، وهذشي عادي عن الفرنسيين، لكن الله يهدي وحد النوع من محرري أرض فلسطين والمتشددين السلفيين اللي كيحساب ليهم راسهم هوما جنود الله فالارض، وكيعطيو لراسهم الحق باش يرهبو ويوسخو صورة الإسلام”.

وزادت: “كان أحسن بالنسبة ليا  مايقيسوش المقدسات دالمسلمين، لكن باش تسكن ففرنسا وأنت متشدد وعندك أفكار متطرفة وكترفض التربية الجنسية فالمدارس وزيد وزيد، فكنقليك هز حوايجك وسير لأفغانستان وسوريا اللي ممكن تحقق فيها هذ الأحلام، ماتجيش لواحد البلاد وكلاتك وشرباتك وغطاتك وعطاتك حقوقك وتجي تلزم عليها شيحاجة بعيدا عليها بزاف”.

موضوعات أخرى

05/12/2020 19:30

منظمة الصحة العالمية : خاص الڤاكسان ضد “كورونا” يوصل لجميع الناس فكل البلدان فالعالم .. و”نظرية المؤامرة” كتساهم فانتشار الفيروس

05/12/2020 19:00

المغربية هاجر مصنف المتوجة بجائزة ” Women Tech 2020 ” كشفات على مشاريعها فالذكاء الاصطناعي وصرحات لـ”كود”: هذي مفخرة لكل النساء المغربيات ودليل على أن المرا المغربية قادرة تعطي فجميع المجالات

05/12/2020 18:30

فرنسا جرات على 66 متطرف و صيفطاتهم لبلاداتهم. وزير الداخلية الفرنسي : هادي غي البداية مازال غادي نرحلو خوانجية آخرين .. لاليست طويلة