الرئيسية > الزين والحداكة > لبلاد عوجا يا ولاد. وحدة بحال ليلى حديوي ولات مصممة اش بقى ما يدار فيها. كلشي مشرع وحدة ما هي خياطة ماهي فصالة ما هي صحافية ما هي ممثلة …. وكتلقاها كتلاح لكلشي يعني بلادنا معلولة
02/12/2017 11:40 الزين والحداكة

لبلاد عوجا يا ولاد. وحدة بحال ليلى حديوي ولات مصممة اش بقى ما يدار فيها. كلشي مشرع وحدة ما هي خياطة ماهي فصالة ما هي صحافية ما هي ممثلة …. وكتلقاها كتلاح لكلشي يعني بلادنا معلولة

لبلاد عوجا يا ولاد. وحدة بحال ليلى حديوي ولات مصممة اش بقى ما يدار فيها. كلشي مشرع وحدة ما هي خياطة ماهي فصالة ما هي صحافية ما هي ممثلة …. وكتلقاها كتلاح لكلشي يعني بلادنا معلولة

كود هند لكلاوي ///

باش تعرف دولة كتقدم عرف المشاهير اللي عندها او اللي كيسوقو ريوسهم كمشاهير. جرائم كثيرة لعب فيها كل مغربي مغربي دور باش يمكن اي حد يتشهر. هادي ظاهرة عالمية. مع تلفزيون الواقع ومسابقات القنوات فميادين كثيرة منها الغناء والكومييا ومع الويب ظهرات هاد الظواهر. غير الغرب اللي سبقنا فهاد الشي داير تمييز. ما يمكنش لشي وحدة دارت شي فيلم مع كريمو الدرقاوي وفيلم مقودة بزاف بزاف بحال ليلى حديوي تولي نجمة وتجي مجلة فرنسية بنظرة ديال المستشرقين فالقرن 19 وديرها فغلافها باش تهدر على مهرجان مراكش والسينما المغربية.

الحديوي بدات بالموضة واستغلات بحال غيرها كلشي باش تبان. من حقها. تصاحبات مع الصحافة ونجحات فهاد الشي ومن حقها. غير تولي فقناة دوزيم ناعسة فصباحيات كيطرح اسئلة كثيرة. دوزيم كلها فضايح فهاد المجال. باك صاحبي وخويا وعشيري خدامة مزيان. هادي راها قناة عمومية.

هادي من النوعية اللي ما دارتش افلام وكانت كتكون فالطابي روج ديال مهرجان مراكش. فضيحة. فدولة كتحتارم السينما.

ما غاديش نهدر على استغلالها لكل ما عائلي ديالنا باش تسوق راسها. كيهم فقط كيفاش دازت من هاد الشي كولو ولات مصممة ازياء عندها ماركة ديالها وشي حقرا كيقولو عليها ايقونة. فاش ايقونة الله ينعل اللي ما يحشم. اش دارت للبلاد فاش تآيقنات غير كولو لينا. فالدول اللي فيها احترام لعقول المواطنين يمكن لفكيتوريا بيكام عضوة الفرقة الشهيرة “سبايس گولرز” ومزوجة باسطورة فكرة القدم البريطانية دافيد بيكام بعد سنوات كثيرة تطرح ماركة ديالها. هادي مفهومة ولكن وحدة ما هي خياطة ما هي فصالة ماهي موريليست ما هي صحافية ما هي علاقات عامة ما هي ممثلة وكتلقاها دير هاد الشي كولو. يعني بلادنا مريضة مرض داوه صعيب بزاف.

موضوعات أخرى

20/08/2018 22:45

خطاب صارم .. الملك: مايمكن نقبلو يستمر النظام التعليمي في تخريج أفواج من العاطلين وخصنا نديرو نظام اجباري في المؤسسات