كود – وكالات//

من بين 778 معدة، كانت 628 فيها بقايا ديال الأكل، الباحثين لقاو فيها 192 نوع من كائنات صغيرة بحال القمرون والرخويات، حتى لحيوانات كبيرة.

القروش الصغيرة كان الحوت هو جزء مهم من غذائها، وسجلو الباحثين 67 نوع من الأسماك ،ولكن المفاجأة هي مني لقاو الدلافين، فكارن، طيور بحرية، بطاريق إفريقية، وأسماك قرش ، وحتى حوت العنبر والحوت الأحدب.

العلماء لقاو حتى القنافد والغزلان، لي غالباً جابهم الما للبحر قبل ما ينيطواييهم قرش النمر.

المفاجأة هي مني لقاو حتى شيبس، الگارو، برزيرفاتيف ، يعني قرش النمر ماشي غير كياكل الفرائس اللي كيلقاها فالبحر، ولكن حتى الزبل لي كيتلاح فالبحر،داكشي علاش ولا معروف قرش نمر بطارو د زبل.

الباحثين لقاو حتى بقايا بشرية فالجوف ديال جوج دلقروش ،الشي لي كيببن أن هاد القروش كتستغل تقريباً أي فرصة للأكل، وهاد التنوع الكبير فغذائها كيعطيها تأثير على أجزاء مختلفة من النظام البيئي البحري.