كود -nytimes//
حطات نائبة شِريف فمقاطعة بالم بيتش ففلوريدا استقالتها من الخدمة، من بعد ما كشف تحقيق داخلي أنها كانت كتبيع محتوى جنسي على الإنترنت.
وحسب تقارير إعلامية، النائبة براندي تينلين، اللي عندها أكثر من 21 سنة ديال الخدمة فالسلك الأمني، كانت كتستعمل واحد الموقع مخصص للكبار باش تنشر محتوى مرتبط بـ”فتيش الأقدام”، وقدرات تجمع 6000 دولار خلال 16 شهر.
التحقيق بيّن أن تينلين صورات البريكولات ديالها وهي لابسة الحوايج الرسمين ديال الخدمة ، الشي لي تعتبر خرق كبير لقوانين المؤسسة، كما كانت البوليسية كتطلب من المتابعين ديالها يخممو فاش خدامة مني كانت كتلوح تصاور رجليها.
وبدات القضية فـ يوليوز 2025، من بعد ما دار واحد من لي خدامين معاها تبليغ عليها أنها كتدير نشاط جنسي فمنصات بحال OnlyFans، كما بينات التحقيقات أنها استغلات عطلة المرضية باش تمشي تصور محتوى مع شي حد جا من كندا خصيصاً لهذا الغرض.
وأكد مكتب الشريف أن النائبة خالفات عدد من القوانين الداخلية، من بينها السلوك لي ملايقش، والخدمة برا أوقات الدوام بلا ترخيص، وسوء استعمال الإجازات, ومن جهتها، اعترفات تينلين بالمنسوب إليها، وأكدت أنها مطلباتش إذن باش دير هذا النشاط ،ومني علمات بفتح التحقيق، المعنية حدفات حسابها، قبل ما تسالي القضية بتقديم استقالتها من منصبها.
موضوعات أخرى
مغنية بوليوود الأسطورية Asha ماتت على 92 عام وخلات موراها 12 الف أغنية
دراسة: الرجال لي عندهم الداكا طالع متيكونش عندهم توجه محافظ
