الرئيسية > آراء > لا ديدي لا الفانيدي ! تجربتي مع اوميكرون بينات ليا بلي اللقاح و الاجراءات الوقائية هوما المعايير و الشروط لي خاص الدولة تأكد عليهم لحماية المواطنين ! أما سدان الحدود راه حل ديال المعاگيز لي ماباغينش يخدمو و يضربو تامارا مع المواطنين باش يلتازمو بالوقاية و يديرو اللقاح ! آش غانديرو ما نديرو ؟ نسدو عليهم ! و جمافو على الاقتصاد لي كايموت !
15/01/2022 15:00 آراء

لا ديدي لا الفانيدي ! تجربتي مع اوميكرون بينات ليا بلي اللقاح و الاجراءات الوقائية هوما المعايير و الشروط لي خاص الدولة تأكد عليهم لحماية المواطنين ! أما سدان الحدود راه حل ديال المعاگيز لي ماباغينش يخدمو و يضربو تامارا مع المواطنين باش يلتازمو بالوقاية و يديرو اللقاح ! آش غانديرو ما نديرو ؟ نسدو عليهم ! و جمافو على الاقتصاد لي كايموت !

لا ديدي لا الفانيدي ! تجربتي مع اوميكرون بينات ليا بلي اللقاح و الاجراءات الوقائية هوما المعايير و الشروط لي خاص الدولة تأكد عليهم لحماية المواطنين ! أما سدان الحدود راه حل ديال المعاگيز لي ماباغينش يخدمو و يضربو تامارا مع المواطنين باش يلتازمو بالوقاية و يديرو اللقاح ! آش غانديرو ما نديرو ؟ نسدو عليهم ! و جمافو على الاقتصاد لي كايموت !

سهام البارودي – كود//

هاد السيمانة بداوني اعراض الڤيروس و حتى انا فحالي فحال بزاف ديال المغاربة قلت فالاول بلي الاغلبية حيت دوشت و خرجت ضربني البرد و لكن ملي وصلت للنهار الثالت و كنت محتاجة اني نسافر اضطريت ندير الطيسط باش نعرف راسي واش مريضة بكورونا و تما لقيت راسي بوزيتيف !

بالرغم من أني كنت ملتازمة بالاجراءات الوقائية ! كان كافي انني نغفل مرة وحدة على الاجراءات و فديك المرة الوحدة لعقتها ! و لكن الحمد لله هانا كاندوز فترة النقاهة بيخير و على خير واش بفضل اللقاح ؟ بفضل المناعة ديالي الطبيعية ؟ او حيت اوميكرون ماقاصحش بزاف فحال الديلتا ؟ الله اعلم لي عارفة هوا انه اوميكرون لي دوزت انا فحال شي ترويحة خايبة فيها قوة الخنونة و شوية د الكحة و السخانة فالليل ! ولكن كانعرف ناس لي دازت عليهم كحلة زحلة و خرحو منها بالكشايف !

لي تعلمتو فهاد الدرس ديال كورونا هوا انه فعلا الاجراءات الوقائية و اللقاح راه هوما الاصل الى الانسان بغا يحفظ راسو من المرض ! غفل طارت عينيك ! و هادشي علاش مافهمتش علاش المغرب مازال ساد الحدود ديالو و مطرق عليه گاع البيبان فالوقت لي قطاعات كاتسوفري بزاف فحال السياحة و النقل الجوي !

السدان ماشي حل ! خصوصا دابا ملي المرض تعرف و الناس تلقحو و هاد اوميكرون صدق واخا سريع الانتشار و لكن ماقاصحش بزاف ! علاش سادين ؟ السدان حل ديال المعاگيز لي مافيهم مايفكر و يخمم و ينوض يتواصل مع الناس و يقنعهم بجدوى اللقاح و باهمية الاجراءات الوقائية و هبط للشارع نعام ا سيدي و لي ماداير الكمامة هبط عليه بغرامة و سير للقهاوي لي مادايرش التباعد سدها لباباه ! و تتحرك السلطة و يتحركو المسؤولين و تبقا البلاد محلولة ماشي هاد الحالة لي حنا فيها دابا لا ديدي لا الفانيدي ! حالات كورونا في ارتفاع و البلاد مسدودة !

لا رزقي بقا لا وجهي تنقا!

موضوعات أخرى

23/01/2022 15:30

البي جي دي باغي يدير معارضة وصافي بسباب سحب قانون التغطية الصحية للوالدين.. ومصادر لـ”كود”: كاين تعميم التغطية الصحية لجميع المغاربة وها علاش تسحب

23/01/2022 15:00

الابتزاز الجنسي فالجامعات.. الطالبة نادية: كنت ضحية فاش بقيت ساكتة.. وگاع الضحايا خاص يهضرو على حقهم باش نديرو حد لهاد المماراسات

23/01/2022 12:30

واش حسو بالهزيمة؟. خصوم لشكر رفعو دعوى قضائية جديدة لتعطيل المؤتمر.. وقيادية لـ”كود”: لي بغاو يعطلو المؤتمر كانو تخلاو على الحزب فأوقات الأزمات