كود – كازا //

قالت جريدة لاگازيتا الإسبانية، إن الرحلات الجوية اللي كتديرها شركات الطيران بحال الخطوط الملكية المغربية هي السبب في الفوضى المستمرة ف مطار باراخاس، اللي كيعاني من الضغط ديال الحراگة اللي غير كيوصلو كيشرگو الباسبورات ديالهم ويلوحوها ف الطواليطات ويطلبو اللجوء.

وأضافت الصحيفة ذاتها نقلا عن مصادر أمنية، الوضع في مطار مدريد باراخاس “لا يطاق” في الوقت الحالي بسبب الدخول غير الخاضع للرقابة لرحلات جوية من المغرب أو تركيا أو موريتانيا. وبحسب المصادر الأمنية، شركة لارام هي سبب المشاكل، لأنها ما كتطلبش من الركاب في المطارات المغربية الإدلاء الفيزا ديال الطرانزيت.

وفي يناير الفايت، قالت جريدة إل بيريوديكو الإسبانية، إن وزير الداخلية فرناندو گراندي مارلاسكا، أعلن على هامش الزيارة ديالو للمغرب، أن وزارتو كتدرس تطبيق ڤيزا ديال الطرانزيت ف المطارات لمنع الاحتيال في تقديم طلبات اللجوء والحماية الدولية.

وحسب المصدر ذاته، أوضح مارلاسكا لنظيره المغربي، عبد الوافي لفتيت، أن مصالح وزارتو اكتاشفو أن أشخاص من بعض الدول الإفريقية يستقلون رحلات جوية من المغرب إلى دول أمريكا اللاتينية اللي بلا ڤيزا وكيتوقفو هاذ الرحلات في المطارات الإسبانية وهاذ القضية كيتم استغلالها من طرف مواطنين من كينيا أو المغرب أو السنغال لتقديم طلبات اللجوء في اسبانيا..