كود – وكالات//

قبل ما تولّي أم، كانت لانا رودز معروفة عند الملايين مني كانت خدامة فمجال الأفلام الإباحية، ولكن من بعد ما ولدات ، تبدلات نظرتها بشكل كبير للماضي ديالها.

رودز، واسمها الحقيقي أمارا مابل، قالت بلي حاولات تمحي هاد المرحلة من حياتها، ووصل بها الأمر أنها طلبات المواقع إلكترونية باش يحيدو كثر من 400 فيديو كيربطها بالماضي ديالها، والسبب،حسب تصريحاتها، هو الخوف من النهار اللي يقدر فيه ولدها يكبر ويقلب على الإنترنت ويلقى هاد المحتويات.

رودز  قالت بلي دخلات هاد المجال وهي مازال صغيرة، وهضرات على الندم والضغط النفسي اللي عاشتو بعد هاد المرحلة، وخصوصاً من بعد ما ولات أم، ولات كتشوف القرارات اللي دارت فالماضي من زاوية مختلفة.

المشكل هو أن الإنترنت ما كينساش دغيا ،وخا أنها اعتازلات المجال من سنوات، ما زالت فيديوهات قديمة كتعاود تنتاشر فمواقع مختلفة، وهاد الشي كيخلي حذفها كامل وبشكل نهائي شبه مستحيل.