كود -وكالات//

النجم الشاب ديال برشلونة والمنتخب الإسباني، لامين يامال، ما بقاش فارض راسو غير فالتيران  وانما دار بلاصتو  حتى فعالم الموضة والجاذبية.

يامال دخل رسميًا للقائمة الشهيرة ديال «أجمل 50 لاعب» فالعالم لسنة 2026، اللي كتختارها مجلة «People en Español» كل عام.

هاد اللائحة ديال هاد العام عرفات حضور قوي ديال نجوم الرياضة من مختلف المجالات ، يامال جا فلستة لي كتضم أسماء معروفة بحال لاعب السلة المكسيكي كريم لوبيز، والدراج إسحاق ديل تورو، ولاعب الكورة الأمريكية فيرناندو ميندوزا، وحتى العنصر النسوي كان حاضر بقوة بحال الحكمة المكسيكية كاتيا إيتزل غارسيا.

ولكن، المفاجأة الكبيرة اللي هدرات عليها الصحافة العالمية هي الغياب غير المتوقع ديال الدون البرتغالي كريستيانو رونالدو على القائمة هاد المرة، رونالدو، اللي مولف ديما كيكون فهاد الأنواع ديال التصنيفات بفضل اللياقة والستايل ديالو.