گود سبور//

كشف الدولي الإسباني من أصول مغربية لامين يامال نجم البارصا، أن نية اللعب مع المنتخب المغربي كانت عندو، قبل ما يقرر يلعب مع المنتخب الإسباني، وأنه اختار يلعب مع الصبليون باش يلعب كأس أوروبا وقال بلي المغرب بلادو وكايبغيها.

وخلال حوار له مع قناة CBS، هضر لامين يامال وجاوب على سؤال “واش كنت قريب تلعب مع المغرب فـ بلاصة الصبليون، وقال: “كان إحساس غريب.. والصراحة كانت فكرة اللعب مع المنتخب المغربي حاضرة فـ بالي، وكان المغرب يالاه وصل لدومي فينال كأس العالم، ولكن ملي جات اللحظة الحاسمة اختاريت وما ترددتش”.

وكمل النجم الإسباني من أصول مغربية المتوج بكأس أوروبا 2024، وقال: “مع كل احترامي ومودتي للمغرب، ديما كنت باغي نلعب فـ بطولة أوروبية، ونلعب هنا فـ أوروبا، كرة القدم الأوروبية واضحة بزاف وقريبة للمستوى الدولي، وملي بديت مع البارصا وأنا باغي نربح بطولة أوروبية، وقدرت نحقق هذا الشي، ودايما باغي نلعب كأس العالم مع فرصة نربحها”.

وأكد لامين يامال: “المغرب غادي يبقى ديما عندو بلاصة كبيرة عندي، وحتى هو بلادي، وما مانش غريب ولا عيب أنني نلعب معهم نهائيا. ولكن إسبانيا كانت كاتلعب فـ بطولة أوروبا، وتزاديت وكبرت فـ الصبليون وكانحس أنها بلادي حتى هي”.