گود سبور//

ما غاديش يدخل النجم الإسباني من اصل مغربي لامين يامال رسمي مع الصبليون ضد الراس الأخضر ضمن الجولة الاولى من دور مجموعات كاس العالم 2026.

وقرر الناخب الاسباني دي لافوينتي ما يدخلش لامين يامال فالتشكيلة الأساسية ضد الراس الأخضر فالماتش اللي غادي يلعبوه اليوم الاثنين، وحطو فالاحتياط.

هذا القرار كايبين ان لامين يامال خاصو يبدا يدخل شويا بشويا فالماتشات باش يشد الريتم، بعد مدة من الراحة والعلاج من الاصابة اللي كان تعرض لها مع الفريق ديالو البارصا قبل حوالي شهر ونص.