كود سبور//

دخل اللاعب الإسباني من أصل مغربي لامين يامال، تاريخ كرة القدم من الأبواب ديالو وفعمر صغير، بعدما ساهم فتتويج الصبليون بكأس أوروبا2024، للمرة الرابعة فالتاريخ ديالهم.

لامين يامال وللا أصغر لاعب كيشارك فكأس أوروبا ومسابقة قارية للأمم وعالمية وكايربح لقبها، بعدما بدا البطولة وهو عندو 16 عام و388، ولعب الفينال وهو عندو 17 عام ويوم وربح لقبها، وحطم رقم الأسطورة البرازيلي بيلي اللي كانت عندو 17 عام و249 يوم ملي ربح كاس العالم مع البرازيل 1958.

النجم الإسباني من أصل مغربي لامين يامال، صبح أصغر لاعب كايماركي هدف فكأس أوروبا، فعمر 16 عاما و362 يوما، ملي ماركا هدف على فرنسا فالدومي فينال.

وختم لامين يامال كاس أوروبا بإنجاز أصغر لاعب كايعطي أسيست ففينال كأس أوروبا، ملي عطى كورة الهدف الأول ديال إسبانيا على النگليز، وفعمرو 17 عام ويوم واحد.

وبعد هذه الإنجازات والتألق فكأس أوروبا2024، خدا لامين يامال جائزة أحسن لاعب شاب فالبطولة إلى جانب التتويج باللقب مع منتخب إسبانيا.