گود سبور//

أكد الدولي الإسباني من أصل مغربي لامين يامال نجم البارصا وبطل كاس العالم 2026، أنه تعرض للعنصرية بزاف ديال المرات.

وخلال حوار له مع شبكة “موڤيستار” سولوه واش فايت له تعرض للعنصرية، جاوب لامين يامال وقال: “نعم، ألف مرة، يمكن الماتش كايديرو العنصرية معك بطريقة غير مباشرة، ويمكن بلاما يحسو كاع، كاين بزاف ليكومونطير وفبزاف المرات كاينين بزاف ديال الشوفات اللي فيهم العنصرية بلاما يردو لها الناس البال، وراني جاي من بلاصة (حي فين كان عايش) ما غاديش نقول بلي غادي تقبل الواقع، حيث ما يمكنش تتقبل شي حاجة خايبة ما مقبولاش، ولكن كاتأثر به”.

لامين يامال هضر على واقعة العنصرية تعرض لها صاحبو فالبارصا، البرازيلي رافينيا فماتش الكلاسيكو فتيران سانتياگو برنابيو، من طرف فئة ديال جمهور ريال مدريد، وقال: “مثلا هذاك الفيديو اللي انتشر فتيران برنابيو، ملي عائلتي كلها مشات كاتدافع على رافينيا، الناس تفاجأت برد الفعل ديالي، وفاللخر راه وصف شي واحد ليا بـ “الكحل” ما غاديش يبرزطني گاع، حيث انت كحل البشرة فعلا، وماشي من لون آخر، ولكن هذا الشي كايختلف ملي شي واحد كايقولها بهدف الإهانة، وهنا فين كاين الغلط، وغير هو راه ما غاديش نكعا إلى مشجع جا يتفرج فيا ومخلص رزقو وعايرني”.