كود الرباط ///

علمت “كود” ان حكيم عريف مدير عام وكالة المغرب العربي للانباء الجديد بدا فتصفية ارث المدير السابق الراحل خليل الادريسي. هاد الشي غادي يبداه وفق مصدر “كود” بيحيد الاذاعة والقناة ديال “لاماب” ويبيع الماتيريال ديالها ويتخلى على عمارة كانت واخداها الوكالة.

فهاد التصفية غادي يوقف المجلة اللي كانت تصدرها الوكالة “باب” بنسختيها العربية والفرنسية وطبعا طبع جريدة يومية.

من بعد جاي للتطبيقات اللي كيقول ما صالحاش. ما غاديش يوقف عند الاذاعة غادي يسالي مع ذوك الاذاعات الموضوعاتية على الموسيقى المغربية والعربية.

من حقو كمدير عام يختار سياسة فيها العقلنة والتقشف، لكن هاد اللي دار خليل الهاشمي الادريسي كاين فيه اللي خاصو يطور. اعدامو غادي يتحسب ضد المدير الجديد.

خليل الادريسي غادي يبقى يذكرو التاريخ فكاع المشاريع اللي دارها فلاماب. غاديين يذكرو شخصية قوية دافعات باستماتة وواجهات امثال لعرايشي وغيرو باش يكون عندو استقلالية. ما عمرو خاف يدير شي مشروع ديالو.

المدير الجديد كان عليه يتسنى ويخدم ويطور اللي خاصو يطور ويوقف اللي خاصو يتوقف. راه تخاف خليل الادريسي اللي دخل للتاريخ يبقى فالذاكرة والمدير الجديد كيف تعين كيف مشى حتى واحد ما يتسوق.

دابا الوضع فالوكالة مع الصحافيين والعاملين مكهرب.