الرئيسية > آش واقع > لافوكا والبصلة رخاصو هذ السيمانة.. وهذي تفاصيل أثمنة الخضرة والديسير فسوق الجملة فكازا 
09/07/2020 19:20 آش واقع

لافوكا والبصلة رخاصو هذ السيمانة.. وهذي تفاصيل أثمنة الخضرة والديسير فسوق الجملة فكازا 

لافوكا والبصلة رخاصو هذ السيمانة.. وهذي تفاصيل أثمنة الخضرة والديسير فسوق الجملة فكازا 

عفراء علوي محمدي- كود//

بحال العادة كل أسبوع، دار سوق الجملة للفواكه والخضر التابع للمجلس الجماعي لمدينة كازا، ليست ديال الأثمنة الخاصة بالمنتوجات الفلاحية اللي كيتباعو بالكَرو، باش يحدد السقف ديال الأثمنة والثمن الأدنى ديالها حسب جودة كل منتوج، وماتكون حتى شي زيادة فهذ الوقت اللي كتعرف البلاد تخفيف لللحجر الصحي فخضم حالة الطوارئ الصحية بسبب فيروس كورونا المستجد.

بالنسبة لثمن اللحم بالجملة فالباطوار ديال كازا فالثمن ديالو عرف استقرار بالمقارنة مع السيمانة اللي فاتت، لحم الغنمي ولا يدير دابا فالثمن الأدنى 45 درهم والثمن الأقصى 50 درهم للكيلو، والبكَري وولا الثمن ديالو الأدنى كيدير 48 درهم، والثمن الأقصى 57 درهم للكيلو.

أما بالنسبة للفواكه، كلها عرفات استقرار باستثناء ثمن لافوكا اللي عرف بعض الانخفاض: وبالتالي ولات كتدير 12 درهم فالثمن الأدنى و19 درهم فالثمن الأعلى، بينما الفواكه الأخرى: البانان داير 7 دراهم الثمن الأدنى و11 الثمن الأقصى، البنان دالبلاد 4 دراهم فالثمن الأدنى و7 دراهم ونص فالثمن الأقصى، الليمون 3,50 دراهم فالثمن الأدنى و5 دراهم ونص فالثمن الأقصى، والتفاح دالبلاد 2 دراهم ونص فالثمن الأدنى و8 دراهم فالثمن الأقصى، والتفاح المستورد 8 دراهم والثمن الأدنى و13 درهم فالثمن الأقصى، 80 سنتيم أقل ثمن و2 دراهم و20 سنتيم فالثمن الأعلى.

أما الخضرة، فمعظم الأثمنة ديالها استقرات، باستثناء البصلة اللي عرف ثمنها انخفاظ كبير، وبالتالي حدد السوق الأثمنة ديال الخضرة الأساسية بالكيلوكَرام ف: ماطيشة درهم فالثمن الأدنى و2 دراهم و20 سنتيم فالثمن الأقصى، وخيزو 80 سنتيم فالثمن الأدنى ودرهم و50 سنتيم فالثمن الأقصى، البصلة درهم  فالثمن الأدنى ودرهم ونص فالثمن الأقصى، باطاطا 1 درهم و40 فالثمن الأدنى و2 دراهم و20 فالثمن الأقصى، البصلة الخضارية 60 سنتيم فالثمن الأدنى ودرهم و2p سنتيم فالثمن الأقصى.

وبخصوص الخضر لخرى حتى هي نفس الأمر، المكور أو الكرومب كيدير 60 سنتيم فالثمن الأدنى و1 درهم و20 سنتيم فالثمن الأقصى، والكَرعة الخضرة كتدير  2 دراهم فالثمن الأدنى ودرهم ونص فالثمن الأقصى، والخيار 90 سنتيم فالثمن الأدنى و2 درهم فالثمن الأقصى، والدنجال 90 سنتيم فالثمن الأدنى ودرهم ونص فالثمن الأقصى، والكَرعة الحمرا 2 دراهم فالثمن الأدنى و4 دراهم ونص فالثمن الأقصى.

موضوعات أخرى

08/08/2020 20:30

حصيلة كورونا فالأقاليم والجهات: كازا هي اللولة فعدد الإصابات اليومية والوفيات.. وجهة درعة فاتت جهة العيون فالطوطال ديال الحالات

08/08/2020 19:30

خوانجية فيسبوك وكبيرهم أحمد منصور دارو فراسهم الضحك.. نسبو بناية كويتية متأثراتش بانفجار بيروت لآل أردگان والعثمانيين.. وطلقو الكذبة وتيقوها