وكالات //

ذكرات الصحافة الأرجنتينية أن نجم المنتخب الأرجنتيني السابق، إيزيكيل لافيتزي، ولي سبق ليه لعب مع باريس سان جرمان الفرانساوي ونابولي الطالياني، تعرض لحادثة طعن وكان غادي يموت.

الخطير فهاد الحادثة هي أنها جات من خوه شقيقو، لي خشا فيه موس فكرشو وسيفطو للسبيطار فحالة خطيرة بزاف.

على حساب مقالت الصحافة تما، فلافيتزي دخل فصداع مع خوه بسباب شي حسابات الفلوس، وداكشي تطور وهو يخشي فيه موس فكرشو.

نفس المصادر أكدات أن لافيتزي عندو تهريسة فجيهت كتفو، والحالة ديالو ماشي ساهلة.

دابا البوليس حل تحقيق فهادشي، ومزال ماعرفناش واش شدو خوه ولامزال، غير هو العائلة ديال اللاعب نفات أن خوه لي خشا فيه موس، وكتقول أن هادا غير حادث منزلي وصافي.