كود سبور//
تعرض لاعب مغربي-هولندي فالصبليون لحادث فكورنيش مدينة لاكورونيا الإسبانية، ملي بغا يتصور ودخل للسبيطار.
ويتعلق الأمر بالمغربي زكرياء الدهشوري مول 25 عام، اللي عندو الجنسية الهولندية وكايلعب مع ديبورتيفو لاكورونيا الإسباني، اللي وحسب جورنال “Ideal” الإسباني، تدخلو رجال الوقاية المدينة بمدينة لاكورونيا باش يعتقوه ملي طاح وسط الصخر اللي طلع فيه ملي بغا يتصور سيلفي فلاكوط ديال لاكورونيا، وهذا الشي وقع بعدما سالا ماتش الفريق ضد غرناطة برسم الدورة 40 من بطولة الصبليون، واللي لعبو اللاعب المغربي كامل البارح وخسروه بنتيجة 3-2.
وحسب نفس المصدر نقلا عن ديبورتيفو لاكورونيا، فاللاعب المغربي عندو إصابة خفيفة، وراه ناعس فالسبيطار، وكايتلقى العناية.
