كود سبور//

كايعانيو لاعبين مهمين فنهضة بركان من الإصابات، وهذا الشي قبل النهائي ديال كأس الكونفدرالية الإفريقية ضد سيمبا التنزاني، والطاقم الطبي ديال الفريق البرتقالي كايحاولو يوجدوهم، مع العلم أن ذهاب النهائي غايكون يوم 17 ماي والروتور يوم 25 من نفس الشهر.

ويتعلق الأمر بكل من هيثم منعوت اللي تعرض لإصابة على مستوى العضلة الضامة فالماتش ضد شباب قسنطينة فالدومي فينال، والفحوصات الدقيقة اللي دار كشفت أنه عندو تمزق عضلي من الدرجة الثانية، ودابا خاضع لبروتوكول علاجي مكثف لتأهيلو للمشاركة فالفينال.

وبول فالير تعرض لإصابة عضلية على مستوى الحوض، تم تصنيفها من الدرجة الأولى، ومن المنتظر يغيب على التيرانات لمدة تتراوح ما بين 10 أيام حتى 15 يوم، حسب استجابتو للعلاج.