كود سبور//

غاتعرف صفوف الوداد الرياضي، عودة لاعبين مهمين للفريق الأحمر ضد الفتح الرياضي، اليوم الجمعة ضمن سدس عشر نهائي كاس العرش.

ويتعلق الأمر بالثنائي إسماعيل المترجي ومهدي مباريك بعدما براو من الإصابات اللي كانت عندهم ومنعتهم من اللعب مع الفريق فالماتش الأخيرة قبل التوقف الدولي.

وغايبدا الماتش بين الوداد الرياضي والفتح الرياضي فتيران العربي الزوالي، اليوم الجمعة مع 10 الليل، ومن المنتظر يعرف حضور كبير للجمهور، خصوصا وأن الفريق الأحمر باغي يعوض الإخفاق فالبطولة الاحترافية بالمنافسة والتتويج بكاس العرش اللي سنوات هادي ما ربح اللقب ديالها.