كود سبور//

بعض اللاعبين ديال يوسفية برشيد دارو وقفة احتجاجية قدام مقر العصبة الوطنية لكرة الاحترافية والجامعة الملكية المغربية لكرة القدم، وباغيين رزقهم.

وحسب ما توصل به “گود”، فاللاعبين ديال يوسفية برشيد دايرين الوقفة ديالهم فهاد اللحظات من اليوم الاثنين، قدام مقر الجامعة فالرباط، وكايطالبو حل مشكل المستحقات ديالهم العالقة.

وكايحتجو اللاعبين ديال يوسفية برشيد وباغيين يعرفو وكيفاش تم السماح لنادي يوسفية برشيد أنهم يديرو التعاقدات ويسجلو اللاعبين الجداد، وبالمقابل هما كلاعبين صادرة أحكام لصالحهم من طرف العصبة الاحترافية ضد النادي باقيين ما توصلوش برزقهم اللي تحكم لهم.