كود سبور//
شكرو لاعبين الوداد الرياضي رئيس النادي سعيد الناصيري على الظروف الزوينة اللي كيوفر لهم باش يحققو النتائج المزيانة، وأكدوا أنه داير مجهود كبير باش يكونو ديما مرتاحين.
وفتصريح بعدما ربحو الوداد إنييمبا النيجيري وتأهلو لدومي فينال السوبر ليك، قال أيوب العملود لموقع “كود”: “كنهديو هذا الرباح لسعيد الناصري، اللي ديما كيحفزنا سوا قبل او من بعد الماتش ومبروك علينا التأهل والله يخلي لينا البريزيدون”.
حتى بولي صامبو أكد فتصريح لموقع “كود” أن الأجواء زوينة فالوداد الرياضي حيث سعيد الناصيري موفر جميع الظروف ديال الراحة، وأن الواك غيبداو يوجدو الماتش الجاي ضد الترجي التونسي بحال كاع الماتشات”.
