كود سبور- فيلادلفيا//
بقى الحال فلاعبين الوداد الرياضي حيث خسرو مع يوفنتوس الطالياني بنتيجة 4-1، اليوم الاحد بفيلاديلفيا فالجولة الثالثة من كأس العالم للأندية بالميريكان، وتقصاو من البطولة.
وقال محمد مفيد فتصريح له ملي سالا الماتش بين الوداد ويوفنتوس: “ماشي مشكل حيث خسرنا هادي تجربة مزيانة وزوينة لنا وغانتعلمو من هاذ الماتش راه اليوفي هادي وغانوجدو للعين باش نربحو ونفرحو جمهورنا”.
أما أوبينگ فقال من ورا الماتش: كاعيين بسبب الخسارة الكبيرة مع يوفنتوس وباغيين نربحو العين ونهديو الرباح لجمهور الوداد”.
