كود سبور//

أكدو لاعبين المنتخب الوطني المغربي الاولمبي انهم واجدين باش يلعبو ضد أوكرانيا غدا السبت، برسم الجولة الثانية من دور مجموعات أولمبياد “باريس2024”, وباغيين يربحو باش يتأهلو للدور الثاني.

وهضر بنيامين بوشواري لاعب المنتخب المغربي الاولمبي، وقال فتصريح له خلال آخر حصة تدريبية ديال ليكيب ناسيونال قبل ماتش أوكرانيا، وقال: “وجدنا باش نلعبو ضد أوكرانيا، والاستعدادات ديالنا كانت مزيانة وحللنا مزيان المنتخب الاوكراني وبغينا نربحوهم كيفما ربحنا الأرجنتين”.

حارس مرمى المنتخب المغربي الاولمبي رشيد غانيمي حتى هو قال فتصريح له: “كانوجدو للماتش ضد أوكرانيا اللي ما غايكونش ساهل وغانخدمو له كيفما خدمنا فالماتش الاول ضد الأرجنتين باش نربحو غدا ونتأهلو”.