كود سبور//

خدامين لاعبين المنتخب الوطني المغربي الأولمبي كايوجدو لأولمبياد باريس2024، اللي ما بقى ليها والو وتبدا، وكايترينيو تحت إشراف المدرب طارق السكتيوي فمعسكر تدريبي بمدينة دارديلي نواحي مدينة ليون الفرنسية.

وقال المهدي بوكمير لاعب المنتخب المغربي الأولمبي فتصريح للموقع الرسمي ديال الجامعة الملكية المغربية لكرة القدم: “كانفتاخرو حيث كنمثلو بلادنا فتظاهرة رياضية كبيرة بحال الألعاب الأولمبية، وغناديرو اللي فجهدنا باش نوصلو للهدف الواضح اللي باغيين، وحنا كانوجدو مزيان باش نحققو شي حاجة زوينة نخليو الجمهور المغربي يفتخر بها، ولأجواء زوينة داخل المنتخب المغربي، كنهضرو مع بيعضنا وكنضحكو وفالتيران كانخدمو مزيان”.

بنيامين بوشواري لاعب المنتخب الاولمبي حتى هو قال: “اللاعبين ديال المنتخب الاول عطاونا قيمة إضافية للگروب، وبالنسبة للمجموعة اللي جينا فيها، فالأرجنتين بلاد كبير فالكورة وضدهم هما واوكرانيا والعراق غانديرو ماتشات كبار”.