كود سبور//
ما بغاوش لاعبين اتحاد طنجة يسافرو من محطة طنجة إلى المحمدية، باش يلعبو مع المغرب التطواني ضمن الدورة 10 من البطولة الاحترافية، بسبب الوضعية المادية ديالهم حتى تدخل محمد الشرقاوي وعطاهم وعد باش يفكهم.
وحسب مصادر مطلعة، فلاعبين اتحاد طنجة مشاو لمحطة القطار فطنجة عشية يوم السبت، ولكن ما بغاوش يركبو فالبراق باش يجيو للمحمدية، وهددو بمقاطعة ماتش الفريق اليوم الاحد ضد المغرب التطواني.
نفس المصادر، أكدت أن محمد الشرقاوي رئيس النادي تدخل وتواصل مع اللاعبين باش يسافرو المحمدية ويلعبو الماتش، وبعدما واعدهم بحل للمستحقات ديالهم المالية، شدو البراق من طنجة إلى المحمدية.
