كود سبور//

وقفو لاعبين اتحاد طنجة الإضراب اللي كانو دايرين، وقررو يرجعو للتداريب استعدادا لديربي الشمال ضد المغرب التطواني، هذا الويكاند ضمن الجولة 10 من البطولة الاحترافية.

وحسب مصادر مطلعة، فلاعبين اتحاد طنجة قررو يوقفو الإضراب على التداريب مؤقتا، وذلك بعد تدخل عدد من الجهات فالوقت اللي كيحاول المكتب المسير برئاسة محمد الشرقاوي يلقاو حلول للأزمة المالية ديال النادي، ويخلصو اللاعبين فداكشي اللي كيتسالوه.

وكانو لاعبين اتحاد طنجة فاضراب حيث ما توصلوش بالمستحقات ديالهم من طرف إدارة النادي، مع العلم أنه ماشي أول مرة كيديرو فيها إضراب على التداريب وهذا راه مستمر من الموسم الماضي.