كود سبور//
نايضة فأولمبيك آسفي قبل ماتش الفريق ضد نهضة بركان ضمن مؤجل الدورة 10 من البطولة الاحترافية، بسبب المستحقات ديال اللاعبين.
وحسب مصدر مطلع، فلاعبين أولمبيك آسفي هددو المكتب المسير باش يقاطعو الماتش ضد نهضة بركان الخميس الجاي، بسبب المستحقات ديالهم العالقة، وأنهم ما غيسافروش لبركان حتى يديرو معهم حل.
نفس المصدر، كشف أن المدرب زكرياء عبوب عبر الاحترام ديالو لقرار لاعبين أولمبيك آسفي، وأكد لهم أنه مع أي خطوة غيديروها.