الرئيسية > تبركيك > صال مدعششة فكازا: ممنوع الرياضة بالشورطات والكولونات ولي خالفات نجريو عليها
11/06/2021 10:00 تبركيك

صال مدعششة فكازا: ممنوع الرياضة بالشورطات والكولونات ولي خالفات نجريو عليها

صال مدعششة فكازا: ممنوع الرياضة بالشورطات والكولونات ولي خالفات نجريو عليها

نجوى المالحي-كود//

واحد لاصال في كازا سيفطات لكَاع العيالات لي كيترينيو فيها ايمايل فيه أنهم خاصهم يتسترو وممنوع يلبسو شورطات قصار او كولون  لاصق وحتى سوتيامات ديال الرياضة لا.

لاصال لي سميتها Gym factory قالت فايميلها بأن أي مرا محتارماتش هاد القوانين غادي يحبسوها متبقاش تريني ولابونمون ديالها غادي تحسب ملغية.


ملي بحال هاد الأفعال كتصدر من مكان ديال الرياضة فهو أمر كيخلع، لأن مولاه ولا مولاتو عندو عادي راجل يتريني ومعري صدرو، وملي بنت دير الرياضة بالحوايج لي تكون فيهم مرتاحة فهادشي كيتمسى مخالفة للقانون.

هاد الدواعش بغاو العيالات يترينيو بالجلابة والزيف يمكن.

الامايل خلق جدل كبير بين الناس، ومنهم لي غادي يخرجو من عندو لأن تفكيرو متخلف وميستحقش يبقاو عندو من الأصل.

موضوعات أخرى