كريم الصوفي – كود//
[email protected]

ذكرت مواقع إخبارية إسبانية، أن مهرب مغربي مثل الخميس الفايت قدام محكمة لاس بالماس الإقليمية ومكتب المدعي العام طلب ليه 32 عام ديال الحبس بعد ما تسبب ف وفاة 16 حراگ بالجوع والعطش.

وأضافت التقارير أن المتهم كان هو المشرف على الباتيرا اللي خرجات من الداخلة في 5 أكتوبر 2020 وكان من المتوقع توصل بعد تقريبا 4 ايام، لكن الموطور خسر وسط البحر وبقاو تالفين وسط المحيط الاطلسي جوج سيمانات والما والقص سالا بعد 4 أيام، الشي اللا خلا بزاف من الحراگة كيموتو بسباب الجوع والعطش وصحابهم كيلوحهم ف البحر. واللي بقا منهم عايش نقذاتو سفينة شحن على بعد 370 كيلومتر جنوب جزر الكناري ف 19 أكتوبر 2020.

https://www.canarias7.es/canarias/gran-canaria/las-palmas-de-gran-canaria/piden-anos-carcel-20211114023313-ntvo.html