الرئيسية > آش واقع > “لاسينيسيس” مددات دعم كورونا للعاملين فالقطاع السياحي حتى لمارس
09/02/2021 15:20 آش واقع

“لاسينيسيس” مددات دعم كورونا للعاملين فالقطاع السياحي حتى لمارس

“لاسينيسيس” مددات دعم كورونا للعاملين فالقطاع السياحي حتى لمارس

كود كازا//

كشف الصندوق الوطني للضمان الاجتماعي (لاسينيسيس) أن دعم العاملين فالقطاع السياحي من التعويض الجزافي الشهري الممول من الصندوق الخاص بتدبير جائحة كورونا غيمتد لفترة إضافية فالشهورا ديال يناير وفبراير ومارس.

وحسب بلاغ للصندوق، فهذ التمديد جا بعد التوقيع على ملحق تعديلي للبرنامج التعاقدي بتاريخ 6 يناير 2021، لدعم وإقلاع القطاع السياحي، واللي كيشمل حتى الحق في الاستفادة من التعويضات العائلية والتأمين الإجباري عن المرض حسب المقتضيات القانونية الجاري بها العمل.

واللي بغا يصرح بالعاملين ديالو باش ياخدو هذ الدعم، كيذكر الصندوق بضرورة التصريح فالبوابة covid19.cnss.ma، وغيتم خلال الفترة اللي غيحددها المرسوم المنتظر صدورو في الجريدة الرسمية بهذ الشأن.

وهذ الدعم كيشمل مؤسسات الإيواء المصنفة، ووكالات الأسفار، وأصحاب النقل السياحي، والأجراء والمتدربين في إطار عقود الإدماج العاملين بالقطاع، إضافة إلى المرشدين السياحيين المسجلين بنظام الضمان الاجتماعي بموجب القانون رقم 98.15 ورقم 99.15 المتعلقين بالتغطية الصحية والاجتماعية للعاملين غير الأجراء.

موضوعات أخرى

24/02/2021 19:30

ضروري من إلغاء القوانين اللي كتجرم المثلية وحماية هاد الفئة من العنف الأسري والمجتمعي.. تقرير كحل على أوضاء المثليين فالمغرب فزمان كورونا: تضررو بزاف بسباب حملات التشهير اللي تزامنات مع الحجر الصحي

24/02/2021 18:30

روبرتاج. عصابات “الابتزاز” مازالة فواد زم.. بعد ما طاح رونار ضحية ليهم خبراء وفاعلين حللو الظاهرة عبر “كود”: هاد الجرائم من الصعب القضاء عليها حيت سرية.. وسببها الفقر اللي كيعيشوه ولاد المنطقة