گود سبور//

غيوصلو أسيك ميموزا الإيفواري غدا الاربعاء فالصباح للمغرب باش يلعبو ضد الوداد الرياضي السبت الجاي، ضمن الجولة 6 من دور مجموعات دوري ابطال افريقيا، وهي مباراة حاسمة ومصيرية بالنسبة للواك.

أسيك ميموزا اللي ضمنو التأهل إلى ربع نهائي دوري أبطال أفريقيا قبل الجولة الاخيرة من دور المجموعات، غيشدو الطيارة غدا الاربعاء مع الـ4 وربع ديال الصباح بتوقيت الكوت ديفوار وهي الـ5 وربع مغربية من أبيدجان لكازا وغيوصلو لمطار محمد الخامس مع 10 قل ثلث (9.40) بتوقيت المغرب.

بعثة أسيك ميموزا قررو يبقاو فكازا يتدربو ويوجدو حتى الجمعة الجاي عاد يمشيو لمراكش، باش يلعبو ضد الوداد الرياضي السبت الجاي مع 6 العشية، وملي غيسالي الماتش غياخدو طيارة خاصة غتديهم لغانا يلعبو واحد البطولة ودية تماك باسم رئيس غانا، يوم الثلاثاء فماتش احتفالي ضد اشنتي كوتوكو الغاني فكوماسي بحضىور رئيس غانا ورئيس الكوت ديفوار الحسن واتارا.