الرئيسية > كود سبور > لاسك تعادلو مع سيمبا والوداد خاصهم يربحو گلاكسي وميموزا ويتسناو كادو
23/02/2024 22:00 كود سبور

لاسك تعادلو مع سيمبا والوداد خاصهم يربحو گلاكسي وميموزا ويتسناو كادو

لاسك تعادلو مع سيمبا والوداد خاصهم يربحو گلاكسي وميموزا ويتسناو كادو

گود سبور//

سالا ماتش أسيك ميموزا الايفواري وسيمبا التنزاني بالتعادل السلبي زيرو لزيرو اليوم الجمعة فالكوت ديفوار، ضمن الجولة 5 من دور مجموعات دوري أبطال افريقيا، وهذا الشي ما كيخدمش مصالح الوداد وكيزيد يصعب عليه مهمة التأهل لربع النهائي.

ومن بعد هذا التعادل زكاو أسيك ميموزا صدارتهم للگروب الثاني من دوري ابطال افريقيا وضمنو التأهل لربع النهائي كمتصدرين قبل الجولة الأخيرة برصيد 11 نقطة، ووراهم سيمبا التنزاني فالمركز الثاني اللي عندو 6 النقاط، وگلاكسي البرتسواني فالمركز الثالث بـ 4 النقاط، ثم الوداد الرياضي فالمركز الأخير برصيد 3 بوان.

المهمة ديال الوداد الرياضي صعابت بزاف فالتأهل إلى ربع نهائي دوري ابطال افريقيا، وحتى حاجة ما برجلين اللاعبين ديالهم، حيث واخا يربحو ماتش غدا ضد گلاكسي غيولي رصيدهم 6 النقاط أي غيتعادلو مع سيمبا التنزاني فرصيد النقاط مع أفضلية لسيمبا بحكم النسبة الخاصة، وبالتالي خاصهم فالجولة الأخيرة يربحو أسيك ميموزا اللي صافي ضمن التأهل كمتصدر للكروب، ويتسناو شي هدية من گلاكسي ضد سيمبا فتنزانيا، يربحوهم او على الاقل يتعادلو معهم واخا هذا الشي غيكون صعيب حيث سيمبا كيكون صعاب فتيرانهم وقدام جمهورهم، ولكن دابا المهم يرح الفريق الاحمر الماتش ضد گلاكسي غدا، ويحافظ على الحظوظ ديالو وبعدها لكل حادث حديث.

موضوعات أخرى

22/04/2024 13:18

طيحاتهم جوائز نقدية “وهمية”.. انطلاق محاكمة شبكة للنصب بين فاس وتازة وكرسيف: ها التهم اللي وجهات ليهم النيابة العامة

22/04/2024 13:10

إسبانيا ضيف شرف معرض الفلاحة بالمغرب وبلاناس أكد أن هاد الشي كيشهد على العلاقات الزوينة بين الرباط ومدريد

22/04/2024 12:50

مرصد: الحكومة فـ3 سنين وسعات الاستفادة من التعويضات العائلية لـ5 مليون طفل وعبأت كثر من 40 مليار درهم للحماية الاجتماعية لـ22 مليون مغربي‏

22/04/2024 12:25

وهبي أمام منتدى وزراء العدل للدول الإفريقية الأطلسية: بلادنا ملتزمة بتعزيز تعاونها التقني والقضائي

22/04/2024 12:15

رسميا وكيف نشرات “كود”.. الاتحاد الاشتراكي خدا رئاسة العدل والتشريع: مدونة الأسرة والقانون الجنائي ومعارك كبيرة كتساين الحكومة فهاد اللجنة