عمر المزين – كود///

سنات الخطوط الجوية الماليزية و”لارام” مؤخرا، اتفاق تشارك الرموز (codeshare)، للي الهدف ديالة هو تعزيز الربط الجوي واقتراح مزايا سفر أوسع وتجربة سفر سلسة عبر رحلات هاد الشركتين فإفريقيا وأوروبا وحتى آسيا.

وكيهم هاد الاتفاق، حسب بلاغ مشترك لهاد الشركتين، الرحلات اللي كتربط كازا بـ”كوالا لمبور” عبر الدوحة ولندن وباريس، وهادشي كيهدف تمكين المسافرين من الاستفادة من مرونة واسعة على شبكات هاد الشركتين العضوين بتحالف وون وورلد.

وغادي تدير “لارام” رمزها “AT” على الرحلات اللي كتشغلها الخطوط الجوية الماليزية بين كوالا لامبور (KUL) والدوحة (DOH)، ولندن (LHR) وباريس (CDG).

والخطوط لجوية الماليزية غادي تزيد رمزها “MH” على الرحلات اللي كتشغلها من طرف لارام ما بين كازا (CMN) وكل من الدوحة (DOH)  ولندن (LHR) وباريس (CDG).