گود سبور//

كشف وكيل اللاعبين انيس مهدي، على سبب الزيارة ديالو للفندق اللي كانو گالسين فيه الرجاء الرياضي ديال كونسونطراسيون ديالهم قبل من ماتش الفريق ضد يعقوب المنصور ضمن الدورة 12 من البطولة الاحترافية.

ووضح وكيل اللاعبين أنيس ففيديو له، أن السبب اللي خلاه يمشي لوطيل اللي فيه الرجاء الرياضي، هو باش يريكيبيري ليبييي ديال الماتش، وان ليبيي عاطينهم لهم وراق يعني خاص الشخص يمشي يتسلمهم، وقال: “هادوك ليبييي د الماتش مشيت خديتهم أنا”.

وزاد وضح وكيل اللاعبين، وقال: “المدرب عاطي للاعبين رخصة باش يكونو فالبهو ديال لوطيل وما داكرش لهم مع من يتلقاو ومع من ما يتلقاوش، وحتى 10 ونص عاد خاصهم يطلعو ليشومبر ديالهم، وانا مشيت من لوطيل مع 9 قل 25، بديل لافاكتور باش خلصت القهوة ديالي”.