كود سبور//

داز خوان لابورتا رئيس البارسا، اليوم الاثنين قدام المحكمة بمدينة برشلونة، ليدلي بإفادته بخصوص قضية تتعلق بالاحتيال، وخرج من المحكمة بدون ما يعطي تصريحات حول القضية.

وحسب وسائل إعلام إسبانية فالقضية تتعلق بجريمة احتيال مزعومة بقيمة 4.7 مليون أورو، عندها علاقة بجائزة ديال القمر، مع العلم أن لابورتا رئيس البارصا كان خرج بلاغ في وقت سابق نفى فيه التهم الموجه إليه.

ووضح رئيس البارسا أن شي أشخاص دارو شكاية فـ2023 ضد مجموعة من الأشخاص من بينهم هو بتهمة الاحتيال، ونفى أنه داير شي حاجة، ووضح أن القاضية رفضت الشكاية بداعي أنه ما كايناش جريمة.

وزاد وضح لابورتا وقال إن المدعي قرر استئناف الملف ضد قرار الرفض، وقررت المحكمة أنه من حيث ضمان الإجراءات خاص ياخدو إفادات المدعى عليهم، وأنه اليوم الاثنين فالصباح غايدوز قدام المحكمة، والقاضية اللي كانت رفضت الشكوى غتاخد الإفادة ديالو كيفما خدات إفادة بعض المدعى عليهم قبل منو وغتاخد إفادات لآخرين بعد منو.