كود سبور//

ناويين البارصا يجيو للمغرب باش يلعبو ماتش أميكال هذا الصيف، ضمن استعدادات الفريق للموسم الجاي.

وكشف خوان لابورتا رئيس البارصا فحوار له مع راديو “راك”، أنه باغيين يلعبو ماتش أميكال فالمغرب، وأن العلاقة القوية اللي عندو مع رجال أعمال مغاربة ممكن تسهل هذا الشي.

ووضح خوان لابورتا وقال: “كانخططو نلعبو ماتش فالجابون و2 ماتشات فكوريا الجنوبية، وكاين احتمال كبير باش نلعبو ماتش أميكال فالمغرب، قبل ما نمشيو لآسيا، وإلى ما قدرناش نتافقو مع الجانب المغربي، غانمشيو نلعبو فشي بلاد أوروبي”.