25/03/2023 22:31
المغاربة كيأكدوا من بقلب تيران طنجة حقيقة تاريخي وهي: المغرب قائد إفريقيا
سامي العلوي -گود كازا //
الفضائح ديال لابليكاسيون للي مشرية بـ20 مليون وما صالحة لحتى حاجة، مازال مستمرة، كيف كشفات مصادر “گود”، وبانت هاد الشي فامتحانات الدورة العادية لي كتدوز الاستدراكية ديالها هاد الأيام، حيث أنه بسباب لابليكاسيون وللا كولشي مخربق، اللوائح، وتوزيع الطلبة، والنقط ديال الدورة العادية، زد عليها كثرة الشكايات، وهاد الشي كامل الوزير عبد اللطيف الميراوي وزير التعليم العالي والبحث العلمي والابتكار ساكت عليه وضارب الطم.
المصدر ديال “كود” قال أن عدد كبير من الأساتذة معجبهمش الحال فهاد الشي، وبعضهم كيقول كيفاش أستاذ فكلية العلوم القانونية والسياسية إلى وقعات ليه مشاكل في لابليكاسيون خصو يعيط على مولاتها لي هي أستاذة فكلية العلوم والتقنيات باش تصلح ليه المشكل واش هذا ماشي العبث.
ومع ذلك، وضد فكلشي، مولات لابليكاسيون مزال مخليا خدمتها فكلية العلوم والتقنيات وباركا تيتي نيني فكلية الحقوق حينت الصرف كاين فلابليكاسيون ماشي فالصالير ديال أستاذة.
