الرئيسية > آراء > لابغيتي تكوني مرا و يحتارموك شي مغاربة حنان خاصك تكوني خويبة شوية، و مكرفصة فحالتك و مزلوطة و ديما حانية الراس و غادة مع التيّار !! الحقد على فاتي جمالي نابع من أنها زوينة بالدرجة الأولى ! و صعيبة يوصلها الهيبوش بالدرجة الثانية، و قاست المقدسات بالدرجة الثالتة ! حيت زياش راه تاهوا ولاّ مقدّس ! واش ماكاتحشميش ؟! بوگوصة و مشهورة و كاتحلي فمّك ؟! هادشي بزاف علينا !
06/12/2023 21:00 آراء

لابغيتي تكوني مرا و يحتارموك شي مغاربة حنان خاصك تكوني خويبة شوية، و مكرفصة فحالتك و مزلوطة و ديما حانية الراس و غادة مع التيّار !! الحقد على فاتي جمالي نابع من أنها زوينة بالدرجة الأولى ! و صعيبة يوصلها الهيبوش بالدرجة الثانية، و قاست المقدسات بالدرجة الثالتة ! حيت زياش راه تاهوا ولاّ مقدّس ! واش ماكاتحشميش ؟! بوگوصة و مشهورة و كاتحلي فمّك ؟! هادشي بزاف علينا !

لابغيتي تكوني مرا و يحتارموك شي مغاربة حنان خاصك تكوني خويبة شوية، و مكرفصة فحالتك و مزلوطة و ديما حانية الراس و غادة مع التيّار !! الحقد على فاتي جمالي نابع من أنها زوينة بالدرجة الأولى ! و صعيبة يوصلها الهيبوش بالدرجة الثانية، و قاست المقدسات بالدرجة الثالتة ! حيت زياش راه تاهوا ولاّ مقدّس ! واش ماكاتحشميش ؟! بوگوصة و مشهورة و كاتحلي فمّك ؟! هادشي بزاف علينا !

سهام البارودي – كود///

زياش ولا من المقدّسات عند بعض المغاربة الحنان، واخا الى جينا نشوفو فالواقع راه ماعندوش علاش يكون مقدّس ! لعّاب ديال الكورة ! ياك “غا” لعّاب ؟ ايه كايلعب كورة مزيان و عاونا نوصلو لكاس العالم ولكن واش غي حيت عاونا نوصلو لكاس العالم يقدر يشتف علينا و هانية ؟! يخورنا و هانية ؟ يسب المعجبين و هانية ؟! حيت شي وحدين بانو ليا فاتو التقديس ووصلو لمرحلة تا**واديت ! زياش لعاب ديال الكورة مزيان على الراس و العين و لكن يقدر يكون انسان عصبي، يقدر يكون انسان حقود، يقدر يكون كايعاني من نوبات غضب ماكايعرفش يسيطر عليها، يقدر يكون انسان مريض نفسيا … خصوصا انه زياش بالضبط معروف عليه انه عندو مشاكل ديال الانضباط و التعامل !و زايدون مسألة انه نجم مايعرفش يتعامل مع المعجبين راه كاتوقع و وقعات لشحال من نجم و عادي ! الساعاتوالله ! الانسان كايعتاذر و كايدوز لحاجة اخرى ! يعني ماكاينة حتى شي حاجة كاتعطي لزيّاش شي صفة ديال الطهرانية و لكن المغاربة الحنان باغينّا صحّة نقتانعو انه زياش ماغلطش و ماكايغلطش و لا يإتيه الباطل لا من أمامه و لا من خلفه ! رضي الله عنه و ارضاه !

و الاهم من هادشي انه كون هاد الصداع لي ناض على زياش نوضو شي بوفلوة ماكانش غايخلق هاد الضجة كاملة، كون شي بوموسطاش دار ڤيديو كايقول بلي مشا يسلم على زياش و قمعو غايدوز مرور الكرام! و لكن المشكل دابا انه لّي تشكّات من زيّاش هي “فاتي جمالي ” يعني بالإضافة لأنها قاست واحد من النيو-مقدسات ! أولا هي مرا ! غي هادي بعدا موشكيلة كبيرة فالمغرب، مرا و كاتهضري آش هاد الضسارة ؟! اش هاد المهزلة ولينا كانعيشو بصوت ميگري ؟! و ثانيا فاتي جمالي زوينة ! بوگوصة ! و ثالتا مشهورة، عرفتي باش تجمعي گاع هادشي فإنسانة وحدة راه كاتقلبي على خلا دار بوك ملخّر ! فاتي جمالي كاتفكر بزاف ديال الناس “بفاتي خيابي” لي كايعيشو معاها او كبرو معاها او هوما نيت كايمثلوها، كاتفكر المزاليط بالزلط ديالهم و الخايبين و الخايبات بالخيوبة ديالهم و الفاشلين و الفاشلات بالفشل ديالهم ! فاتي جمالي هي ديك المرا الضارسة لي كلشي ماكرهاش فالسر و لكن ماغايزعمش يقولها فالعلن !

فهاد الكومبا بين فاتي جمالي و زياش تجمع الحقد المنوي مع الحقد الطبقي و تفرگع واحد القادوس الكبير عامر ميزوجينية و حگرة و تاريعاعيت و تاهيبوشيت !
شي وحدين گاع مشاو بعيد كايشككو فالجمال ديال فاتي جمالي قالّيك مازويناش ! بنادم كاتلقى وجهو كي الگدم و كايقوليك انا بعدا تجي دوي معايا نقمعها ! و حنا كلنا عارفين بلي حتى الحمقات و المتشردات فالمغرب كاينكحوهم بوسخّهم !

التعاطف الكبير مع زياش جا حتى من مسألة انه شحال من واحد حس بيه تنتاقم ليه من دوك البنات لي ماعمرهم غايحاشيوها ليه ! نتاقم للرعاع من دوك العيالات لي صعاب يوصلو ليهم و ينعسو حداهم ! انتاقم ليهم من المبعصصات المبعككات الحاسات براسهم لي كايوقفو فالفوروج بشي رونج مصدّعة فالوقت لي هوا وصاحبو كايطلّو عليها من الطوبيس ! زياش انتقم لبزاف د الرجال المحگورين فالمغرب من دوك العيالات لي كايستافزّوهم كل نهار !

موضوعات أخرى

21/02/2024 19:00

بالنسبة للعيالات المغربيات الكاسك والتغوتينيت من اهم اختراعات لي خدمات تكافئ الفرص للمرأة مع الرجل من بعد أقراص منع الحمل طبعا

21/02/2024 18:31

سيدنا هضر بالصبليونية مع سانشيز.. وقالو: شحال هادي ماهضرت فالتليفون مع الملك فيليبي – فيديو

21/02/2024 18:20

البنك الدولي: النمو الاقتصادي فالمغرب تحسن وتوقع يرتفع لـ3,5 فالمية والتضخم غاد يتراجع وها شنو خاص يدير بنك المغرب

21/02/2024 17:46

البرلماني السابق الفايق تبلغ فحبس “راس الما” بقرار تجريدو من عضويته فمجلس النواب

21/02/2024 17:26

ها شنو طرا بين اخنوش وسانشيز: كثر من ساعتين من المباحثات والتوجاد للمونديال ومارشيات كبار كيتسناو الشركات الاسبانية والتعاون الأمني والموقف من حرب غزة

21/02/2024 17:00

رحلة الوداد ونهضة بركان تأجلت وها علاش والواك كيطالبو الكاف يبدل يوم ماتش گلاگلسي