وكالات//
حضر الفنان المصري تامر حسني ومراتو السابقة المغربية بسمة بوسيل لأول مرة مع بعض بعد الطلاق ديالهم اللي وقع هادي شهور، فحفل عيد ميلاد بناتهم “تاليا” و”أماليا”.
وتداولو الناس فالسوشيال ميديا فيديو باينين فيه تامر وبسمة مع ولادهم الثلاثة: تاليا، أماليا، وآدم، ودار جدل كبير بين المتابعين، حيث بزاف بداو كيطرحو تساؤلات واش هاد الجمع غير بمناسبة عيد الميلاد، ولا كاين أمل يرجعو لبعضهم وينساو الخلافات اللي كانت بيناتهم.
فالفيديو، باينين كيتصرفو بشكل عادي بحال لا والو ما وقع، بالرغم من التصريحات السابقة ديال بسمة اللي كانت كتقول فيها أنها تعذبات نفسياً فالعلاقة مع تامر. ولكن فالحفل، كانوا فرحانين، كيغنيو وكيحتافلو مع ولادهم فجوّ ديال البهجة.
