وكالات //

هضرات ميشيل أوباما على السبب اللي خلا الشائعات ديال طلاقها من الرئيس السابق باراك أوباما تنتاشر فهاد الأيام.

وقالت ميشيل بلي منين خذات شوية ديال الوقت لراسها بعد سنوات ديال الخدمة فالبيت الأبيض والبرنامج اللي كان عامر، بداو الناس كيهدرو وبداو الشائعات كتخرج بلي راه تفرقات مع باراك.

وفاش كانت ضيفة فبودكاست “العمل مازال جاري” مع صوفيا بوش، شرحات كيفاش الحرية اللي ولات عندها دابا باش دير اللي بغات – بحال تلعب التنس ولا تغدى مع صحاباتها – خلات بزاف ديال الناس يظنو بلي الزواج ديالها اللي دام 32 عام سالا.